Casona del Bravial

Existe documentación que sitúa su origen entre los siglos XIII y XIV. Remodelada en varias ocasiones, es un buen ejemplo de arquitectura popular asturiana. Consta de planta rectangular distribuida en dos alturas. Entre sus características principales destaca su doble acceso, así como su fachada frontal, que conserva restos de un antiguo corredor y decoración geométrica labrada en alguno sus sillares. Desde 2006 alberga la Oficina de Normalización Llingüística de San Martín del Rey Aurelio.

OFICINA DE NORMALIZACIÓN LLINGÜÍSTICA DE SAN MARTÍN DEL REY AURELIO

La Oficina de Normalización Llingüística de Samartín del Rei Aurelio, asitiada na Casona del Bravial en Blimea, tien como oxetivu principal facer que la llingua asturiana se convierta nun instrumentu de comunicación normal na vida social del conceyu.

Nun se trata cenciellamente d'un llabor promocional, esi ye solo'l mediu p'algamar lo que realmente interesa, que ye la normalización. Consiguir que l'asturianu tea presente al mesmu nivel que'l castellanu nel mayor númberu d'ámbitos posibles: alministración, educación, lliteratura, toponimia, nueves teunoloxíes, hostelería, comerciu, etc.

¿Y pa qué-y val a un ciudadanu de a pie una oficina de normalización?

Pues dirixite a nós pa facenos tou tipu de suxerencies con respeutu a la llingua asturiana o solicitar el nuesu asesoramientu pa la traducción de testos de toa mena. Amás, dende esta oficina llevamos tiempu trabayando xunto coles asociaciones y empreses privaes del conceyu, ufiertándo-yos apoyu nos sos proyeutos tanto a nivel llingüísticu como alministrativu (tramitación de subvenciones, información sobre cursos, etc.)

Per otru llau, esta oficina ta inxertada dientro de la Rede de Normalización Llingüística nos Conceyos. La collaboración ente tolos servicios que la integren permite la ellaboración de materiales y campañes en xunto, lo que supón un trabayu n'equipu que favorez la posibilidá de sacar p'alantre proyeutos novedosos y orixinales que tengan una bona acoyida ente la población.

Amás d'estos proyeutos comunes, esta oficina desendolca otros de collecha propia, con unos conteníos específicos aplicaos de mou esclusivu al conceyu, y colos que se busca que la xente de Samartín del Rei Aurelio sienta la llingua asturiana tovía más suya. Pa eso trabayamos y eso ye lo que buscamos: facer que la llingua seya del pueblu, y el pueblu la identifique como suya y la emplegue ensin problema en cualquier ámbitu.

Dirección:

Travesía de Goya 6

33960 Blimea

Tfno: 985 65 61 10

 

 

Casona del Bravial