Estimáu/ada amigu/a, munches gracies por visitar la nuestra web.

Nesti portal vas poder realizar de manera telemática dalgunes de les xestiones más frecuentes, consultar les últimes noticies sobre l’actividá municipal y topar información sobre eventos, instalaciones y llugares d’interés. Espero qu’estos conteníos seyan interesantes y útiles.

Samartín del Rei Aurelio, allugao nel centru Asturies, en plenu Valle del Nalón, ye un conceyu arguyosu de la so tradición minera qu’ofrez al visitante recursos turísticos atrayentes (patrimoniu arqueolóxico, industrial y minero, paisaxe natural, gastronomía, festividaes, folclor) al través de la personalidá falatible y abierta que caracteriza a la so xente.

Les nueves tecnoloxíes son una ferramienta de comunicación potente, pero nun son un sustitutivu perfectu de les esperiencies personales, conque al traviés d’estes llinies quiero facete entrega simbólica de les llaves del nuestru conceyu pa que mos visites cualesquier día del añu. Garantízote qu’una visita al Muséu de la Minería y la Industria, al Pozu Sotón o al Paisaxe Protexíu de les Comarques Mineres, pa después garrar fuerces tastiando un bon platu de cebolles rellenes, un pote nabos o unos pimientos rellenos, reconocíos como Fiestes d’Interés Turísticu Rexonal, va facer que pague la pena’l viaxe hasta la nuestra tierra.

Esperámoste equí. Un saludu cordial.

José Ángel Álvarez

Alcalde de Samartín del Rei Aurelio