Samartín del Rei Aurelio ye un conceyu allugáu nel Valle del Nalón al que paga la pena asomase pa descubrir los sos atractivos, qu’incluyen un entornu natural privilexáu, el valiosu patrimoniu minero que dexó un pasáu industrial vinculáu a la minería del carbón, yacimientos arqueolóxicos, amás d'una gastronomía con muncha tradición, y gran variedá de fiestes y muestres de folclor. A ello hai que sumar dos centros culturales de referencia n’Asturies como son el Muséu de la Minería y la Industria y el Pozu Sotón, que se complementen p’averar a los/es visitantes a la cultura minera que nel sieglu XX constituyó l’actividá económica más importante del conceyu y marcó la idiosincrasia d’un pueblu.

Facebook: https://www.facebook.com/smraturismo/