Estas en:

Normativa urbanística

Rexistru de Planeimientu y Xestión Urbanística

El Rexistru de Planiamientu y Xestión Urbanística creólu la Llei 3/2002, de suelu del Principáu d'Asturies, col oxetu de recoyer "un exemplar completu y actualizáu de los instrumentos d'ordenación del territoriu, planes y otros instrumentos d'ordenación y xestión urbanísticos". La so regulación contiénse nos artículos 41 a 56 del Reglamentu d'Ordenación del Territoriu y Urbanismu (ROTU).
La finalidá del so xestor documental ye la de facilitar l'exerciciu pola ciudadanía del so derechu a la información pública no tocante a urbanismu, fomentar la so participación y incrementar la tresparencia nos procesos de toma de decisiones per mediu del empléu de les nueves tecnoloxíes de la información. Esta ferramienta destínase a usuarios/es y proveedores de tolos niveles de l'Alministración, sector comercial, organizaciones ensin ánimu d'arriquecimientu, sector académicu y ciudadanía en xeneral.
Per mediu de la consulta del Rexistru de Planiamientu y Xestión Urbanística accédese a los datos de los instrumentos urbanísticos. Na actualidá pue consiguise la documentación del planiamientu xeneral vixente y parte de la del planiamientu de desarrollu.

Asociáu al Rexistru de Planiamientu y Xestión Urbanística construyóse un Visor urbanísticu rexonal - Mapes Urbanísticos d'Asturies, que dibuxa l'ámbitu de los instrumentos d'ordenación del territoriu y planiamientu, mostrando les entidaes urbanístiques básiques de tol planiamientu xeneral vixente y permitiendo l'accesu lo mesmo a la clasificación qu'a la calificación del suelu. Y viceversa, dende esi visor accédese a los datos y documentos de los instrumentos urbanísticos anotaos nel rexistru urbanísticu. Aconséyase utilizar los buscadores Google Chrome o Mozilla, en comprobando que la páxina furrula meyor con ellos que con otros buscadores.