02.05.21. L'Ayuntamientu espublizó güei 2 de xunu un bandu na sede electrónica onde  se recuerda a los propietarios de perros la obligatoriedá que tienen d'apañar los escrementos de les sos mascotes de la vía y espacios públicos.

Reproduzse'l testu íntegru:

"Teniendo observao que delles persones propietaries de perros nun respeten lo dispuesto na normativa municipal tocántenes a los escrementos que xeneren dichos animales, y énte la medría  de les quexes de los vecinos y vecines, véome na obligación de recordar a los sos propietarios la responsabilidá que tienen con estos animales.

Los escrementos caninos depositaos na vía pública constitúin un problema grave. La so presencia nes nuestres cais representa un riesgu importante pa la integridá física de la ciudadanía, yá que pueden ocasionar que se resbarie y caídes, constituyendo arriendes un peligru potencial de contaxu d'enfermedaes graves, especialmente pa la nuestra población infantil, que nos sos xuegos entren fácilmente en contactu colos pavimentos de cais, places y parques infantiles.

Por ello, recuérdase a les persones propietaries d'animales que tienen qu'APAÑAR LOS ESCREMENTOS na vía y espacios públicos.

La non recoyida inmediata d'estos escrementos va sancionase con una multa d'hasta 300 euros, según lo establecío  nel artículu 41.2 de la Ordenanza Municipal sobre Tenencia, Defensa y Protección de los Animales de Compañía de Samartín del Rei Aurelio.

Esperamos la collaboración de tola ciudadanía."