SMRA. 23.10.18. La XVIII Campaña de Teatru Escolar escomienza mañana en Samartín del Rei Aurelio con un programa que va allargase hasta'l día 29 y que va cuntar cola participación de nueve compañíes de teatru profesional, nel marcu del Circuitu Asturianu de Teatru, pa toles escolines y escolinos d'educación infantil y primaria.

La compañía Carlos Alba va ser la encargada d'abrir les xornaes mañana miércoles, a les 11:30 hores, col estrenu n'esclusiva de la obra "Les Abarques Ermes", nel Teatru Municipal, pa escolines/os de 1u y 2u de primaria.

Les funciones programaes, toes a la mesma hora y nel mesmu llugar, van siguir el xueves 25 cola compañía Teatro Plus y la obra "Tu y Yo" pa la reciella de 4u de primaria. El xueves 8 de payares, El Encuentro Teatro va realizar trés funciones de la obra "Naguar" pa neños y neñes de 3 a 5 años; siguíu'l 13 de payares por Hipnótica Circo Teatro cola función "Buciando'l cielu" pa los rapacinos y rapacines de 1u de primaria.

El 14 de payares la campaña de teatru escolar va tar dirixida al públicu d'ente cero y trés años de les escueles infantiles de Sotrondio y L'Entregu, onde Tras la Puerta Títeres va interpretar "Nubes de cuentu".

El 16 de payares Escenapache va xubir al escenariu cola obra "Les Moces son guerreres" pa los escolinos/es de 5u de primaria; el 21 de payares Fantastique Company va presentar "El viaxe de Dorothy" 'Premiu Oh 2018 na categoría de neñez' pa los de 2u de primaria; y el 27 de payares El Callejón del Gato va interpretar "La neña de les trences al revés", pa los de 3u de primaria.

A lo último, la campaña escénica va concluyir el 29 de payares cola obra "Circu Bambolini", de la compañía Higiénico Papel Teatro, pa les escolines y escolinos de 6u de primaria.

La campaña escolar de teatru tien una trayectoria llarga de va l'añu 2000 tres la inauguración del Teatru Municipal un añu primero.