SMRA. 18.02.18. El Gobiernu del  Principáu va llevantar el sábado 20 de febreru, a les 00,00 hores, el zarru perimetral y les restricciones de l'Alerta Sanitario 4+ nel conceyu de Samartín del Rei Aurelio, depués de rexistrase un descensu significativu de los contaxos na selmana cabera.

La decisión anuncióse  güei pela mañana al Ayuntamientu por técnicos de la Conseyería de Salú nel aconceyamientu telemáticu de siguimientu de la evolución de la pandemia nel conceyu, que  va adquirir  calter oficial cola espublización nel BOPA del decretu y la resolución correspondientes

L'alcalde en funciones, Honorino Montes, agradeció que "el cumplimientu de les midies de prevención nesti últimu mes pola parte de los vecinos de Samartín permitieran que na cabera selmana se rexistrara un descensu significativu nel númberu de contaxos que mos permite salir del nivel de riesgu estremo que nos alcontrábamos".

Ye por ello que  "acoyemos con ciertu alliviu y esperanza´l llevantamientu del zarru perimetral y de les midíes restrictives específiques que los sectores hosteleru y comercial sufireran de manera especial nestes selmanes, como tamién les persones a títulu individual poles llendes nos accesos al conceyu", valoró.