22.10.21. L'Ayuntamientu de Samartín del Rei Aurelio publica güei nel Boletín Oficial del Principáu d'Asturies (BOPA) les bases pa la convocatoria de nueves places de la ufierta pública d'empléu de 2018, que contempla la contratación d'un oficial conductor funcionariu, un barrenderu funcionariu, dos operarios funcionarios y un oficial de xardineru llaboral, pel procedimientu de turnu llibre; mesmo qu'un maestru d'obres funcionariu y un axente tributariu funcionariu, pel procedimientu de promoción interna. A continuación, el Boletín Oficial del Estáu (BOE) va publicar la convocatoria que permitirá l'aniciu del procesu de selección.

A estes places hai que sumar dos más de promoción interna de subinspector de la Policía Local. Les bases yá se remitieron al BOPA pa publicales nos próximos díes.

Al empar ta previsto echar andar la ufierta pública d'empléu aprobada en 2020, que contempla la contratación de seis places nueves de turnu llibre: un trabayador social, un maestru d'obres, un peón, un llimpiador y dos axentes de la Policía Local.