01.11.21. El Plenu celebráu esti mediudía aprobó'l segundu espediente de creitu estraordinariu con un importe de 432.000 euros con cargu al remanente de tesorería que se va destinar a amortizar la deuda y a inversiones.

Del total de la cuantía, 120.000 euros van emplease na renovación de los parques infantiles de La Llaguna y El Florán. 40.000 euros destinaránse a ampliar 300 metros l'actual pista finlandesa, que va dende Sotrondio hasta enllazar con L'Entregu a la altura la pasarela Carrocera. D'esti mou quedará abierta nos dos estremos y conectará col paséu fluvial, el carril bici, la sienda La Encarná y el centru comercial.

El remanente posibilitará asignar 30.000 euros a l'adquisición d'un vehículu pa la recoyida de basura y 12.000 euros a la colocación d'una valla nel trescursu de la sienda'l ríu Silvestre, nel valle La Güeria, en concreto ente Villa San José y La Güerta.

Tamién s'usarán 30.000 euros na colocación de puntos de lluz solar nel paséu que va paralelu al ríu Nalón ente'l parque d'El Florán y la ponte'l Miramar.

Per otru llau, amortizaránse 200.000 euros de deuda, lo qu'a efectos económicos permitirá lliberar esa mesma cantidá pa los nuevos presupuestos municipales de 2022.