SMRA. 23.11.21. Los cinco ayuntamientos de la comarca'l Nalón dediquen esti añu la campaña del 25N, Día Internacional de la Eliminación de la Violencia contra les Muyeres, a denunciar la violencia vicaria. La campaña, que lleva'l lema ‘Golpear onde más duel’ presentóse esti mediudía en Sobrescobio.

La violencia vicaria cobróse n'España la vida de 41 nenes y nenes dende l'añu 2013. “Ye un asuntu que mos preocupa y mos ocupa, d'ehí que les Conceyalíes d'Igualdá del Nalón decidiéremos que seya'l tema principal de la campaña del Día Internacional contra la Violencia de Xéneru”, esplicó la conceyala d'Igualdá, Gema Suárez.

D'esta manera “llamamos a la reflexón ciudadana sobre una violencia que ye cruel y brutal y llanzamos un mensaxe de sororidá y afectu hacia toles muyeres que sufrieren en primer persona la violencia vicaria, al empar que facemos un sentíu homenaxe a la memoria d'estes decenes de nenes y nenes muertos”, añadió.

L'Ayuntamientu de Samartín organizó nes últimes selmanes dellos actos conmemorativos del 25N. Pasao mañana, xueves al mediu día ta previsto celebrar un alcuentru de paragües moraos na plaza Ramón y Cajal, baxo'l lema “Homes y muyeres baxo'l mesmu paragües”, depués de la inauguración d'un rexistru de les víctimes de les violencies de xéneru na Casa Conceyu, y del repartu de bolses del pan feches de papel y rotulaes contra la violencia de xéneru, contando cola participación de les panaderíes locales.