SMRA. 21.09.21. Samartín del Rei Aurelio va conmemorar la Selmana Europea del Deporte con un programa d'actividaes que se van celebrar principalmente albintestate, ente'l 24 y el 29 de setiembre. La finalidá d'estes ye fomentar la práctica del exerciciu físicu como un vezu saludable de vida y combatir el sedentarismu. La iniciativa promovióla la Conceyalía de Deportes y el Conseyu Municipal de Salú, nel marcu del Plan Estratéxicu de Promoción y Prevención de la Salú de Samartín.

El programa foi posible gracies a la collaboración desinteresada de dellos clubes y profesionales deportivos que quixeron sumase a la propuesta del Patronatu Deportivu Municipal y la Mancomunidá del Nalón.

Yoga, yudu, baloncestu, atletismu, ximnasia rítmica, ciclismu y fútbol sala son les modalidaes deportives que van organizar xornaes de puertes abiertes, a les qu'hai que sumar la marcha “Viernes saludables”, el próximu vienres 24 de setiembre, a les 10,00 hores, con salida dende Sotrondio hasta la Residencia Rey Aurelio, en Carrocera.

La Selmana Europea del Deporte vien celebrándose al tiempu que n'otros países de la Unión Europea del 23 al 30 de setiembre dende l'añu 2015, con participación d'otres naciones, sumando en conxuntu un total de 42 países.

Programa d'actividaes

CYCLEA. Xornaes de Puertes Abiertes pa les escueles y institutos del conceyu, los díes 27, 28 y 29 de setiembre nel circuitu San Vicente, L'Entregu.

MARCHA SALUDABLE. (¡Viernes saludables!). Pa toles edaes. Vienres, 24 de setiembre, a partir de les 10,00h. Centru Salú de Sotrondio-Residencia Rey Aurelio (Carrocera) con 2,8km (35minutos), avituallamientu y vuelta.

XIMNASIA RÍTMICA Xornada de puertes abiertes na Plaza Ramón y Cajal (Plaza del Aytu.), llunes 27 de setiembre a les 17,30 hores. Club Adaggio.

YUDU. Xornada de puertes abiertes (exhibición y clase abierta pa nenos/es) na Plaza Ramón y Cajal (Plaza del Aytu.), llunes 27 de setiembre a les 18,30 hores. Judo Sotrondio.

TORNÉU DE BALONCESTU FEMENÍN martes 28 de setiembre sobre les 19h la tarde. Cancha esterior del CP El Coto, L'Entregu. Club Baloncesto San Martín.

ATLETISMU. Xornada de puertes abiertes con delles modalidaes na pista atletismu de L'Entregu. Miércoles 29 de setiembre de 17,15 h a 19:15 hores.  A les 17,15 hores pa menores d'hasta 11 años y a les 18:15 hores a partir de 12 años. Club Atletismo Valle del Nalón.

FÚTBOL SALA. “EUROCOPA”. Xornada de puertes abiertes con pre-benxamines y benxamines, nel Polideportivu Blimea. Escuela de Fútbol El Parque. Miércoles, 29 de setiembre, a partir de les 16h.

YOGA. Xornada de puertes abiertes: clase de Yoga nel Parque Inglés de L'Entregu, Miércoles, 29 de setiembre a les 18:30 hores. Imparte: Penélope García Laviana.