29.07.21. El conceyu de Samartín del Rei Aurelio va ser la décima sede (tres Llanes, Grau, Valdés, Navia, L.lena, Tinéu, Cabranes, Somiedu y Colunga) n’agospiar  la primer esposición del Centru Niemeyer que, col títulu de "Centru Niemeyer. Reflexos d’Asturies", itinera per tol Principáu.

A traviés de semeyes y reproducciones artístiques centraes nel complexu cultural diseñáu por Oscar Niemeyer, los visitantes van poder percorrer los primeros pasos de les obres nel añu 2007, el conxuntu del procesu constructivu, el resultáu final (qu’amuesa al Centru Niemeyer como obra de arte nél mesmu) y, arriendes, delles imáxenes d’actividaes culturales destacaes que se desendolcaron nos sos espacion a lo llargo de toos estos años.

La esposición, producida pol Centru Niemeyer y patrocinada por Caxa Rural d’Asturies, abre les puertes al públicu na Sala d’Esposiciones de la Casa de la Xuventú de Samartín del Rei Aurelio, el xueves 1 de xunetu a les 10:00, onde va permanecer espuesta hasta’l día 23 d’esti mesmu mes. Nos próximos meses va aportar a otros conceyos asturianos que ya amosaron interés n’agospiar esta esposición fotográfica.

La muestra va poder visitase de llunes a xueves de 10:00 a 13:00 y de 17:00 a 21:00 y los viernes de 9:00 a 15:00 na Casa de la Xuventú (Paséu de Samartín, 18, Sotrondio).