SMRA. 23.03.21. Samartín del Rei Aurelio súmase'l sábadu 27 de marzu a la convocatoria de La Hora'l Planeta, la mayor movilización global contra'l cambiu climáticu organizada pola Asociación para la Defensa de la Naturaleza, ADENA, qu'esti añu desendólcase col eslogan "Conéctate cola naturaleza" pa la tresformación de la rellación de la sociedá cola biodiversidá nel camín a una recuperación de la naturaleza pa 2030.

Samartín xúnese otru añu a les decenes de miles de ciudaes, empreses ya instituciones qu'en cerca de 200 países del mundu van interrumpir una hora, ente les 20,30 y les 21,30 hores, l'allumáu d'emplazamientos emblemáticos y monumentos cola fin de concienciar de los impactos que tá causando'l cambiu climáticu nel mundu, una de les mayores amenaces a la biodiversidá, y por tantu a la humanidá. En Samartín, va apagase la illuminación de la plaza de Ramón y Cajal, en Sotrondio na hora apautada.

La Hora'l Planeta nació en Sidney en 2007 como un xestu simbólicu pa llamar l'atención sobre'l problema del cambiu climáticu que 13 años depués afitóse como'l mayor movimientu mundial en defensa del planeta.

Más Info: https://www.horadelplaneta.es/