La campaña navidiega del comerciu sortiará cheques pa consumir en comercios y bares
MRA. 17.11.21. L'Asociación de Empresarios y Comerciantes ECOSAM presentó la campaña Navidaes colos del pueblu, Comprando en Samartín ganamos todos, de fomentu del comerciu local, que repartirá 20.000 papeletes ente la vecería de los establecimientos asociaos pa sortiar una chequera con seis cheques de distintu importe pa consumir n'establecimientos d'alimentación, moda, servicios y restauración.
La campaña, que se va estender hasta'l 5 de xineru de 2022, cuenta cola collaboración una edición más de l'Asociación Rey Aurelio de Personas con Discapacidad Intelectual, encargada de la ellaboración de los adornos navidiegos que llucen nos comercios y bares participantes.
Esta actividá enmárcase nel Plan Estratéxicu del Comerciu, que cuenta cola collaboración de la Dirección Xeneral de Comerciu y l'Ayuntamientu de Samartín del Rey Aurelio.
