SMRA. 03.09.21. El 58 Rally Princesa de Asturias, que recupera nesta edición el tramu de Santa Bárbola, una de les pruebes mítiques d’esta célebre prueba deportiva, va obligar a cortar el tráficu rodao na carretera d’accesu a esti valle’l próximu 11 de setiembre, ente les 8,30 h. y les 13,00 h. pela mañana, y de 13,40 h. a 17,30 h. pela tarde.

La organización informó al Conceyu de que va poder haber dalguna modificación sobre estos horarios si fuere necesario por motivos de seguranza, y siempre col consentimientu de la Guardia Civil, responsable de la regulación de la circulación.

Miembros de la Policía Local de Samartín del Rei Aurelio van collaborar na regulación del tráficu pel cascu urbanu que se pudiere xenerar pol corte de la calzada y la celebración d’esta competición.