SMRA. 09.04.21.  L'Ayuntamientu de Samartín del Rei Aurelio va constituyir  una agrupación de voluntarios de protección civil una vegada que la Comisión de Seguridá Ciudadana xuntada güei dio lluz verde por unanimidá al borrador del reglamentu que va regular la organización, funciones y otres disposiciones xenerales al rodiu de crear el grupu de voluntarios.

El borrador del reglamentu va salir a esposición público per un periodu de 10 díes nel tablón d'anuncies de la sede electrónica municipal https://sedeelectronica.smra.org/action/infopublica?method=view&id=73437  pa que se puedan presentar les alegaciones afayadices, y darreu va aprobase con calter definitivu y oficial.

Depués va constituyise'l grupu colos voluntarios interesaos con un mínimu de diez persones.