SMRA. 10.10.18. 

"Samartín del pinchu", na so edición novena, celebraráse del 19 al 21 d'ochobre nunos venti cafés, gastrobares y sidreríes de Blimea, Sotrondio y L'Entregu, que sirvirán una variedá de tapes y pinchos d'autor, too ello organizao por ECOSAM.

La carta de pinchos y tapes ellabórase con materies primes tradicionales como'l bacaláu, les carrelleres, el mariscu o les setes y con otres más novedoses nesta fiesta gastronómica, como son el corderu o'l foi de coríu. Como novedá, rescampla l'alliñu nueces, piñones, trufes o altimores y una variedá escoyida de panes ente los que figuren el griegu, el chinu, les tortielles de trigu o'l panku.

Tola información sobre los establecimientos participantes pue consultase na web d'Ecosam (www.ecosam.es/blog) o na páxina de Facebook de l'asociación (www.facebook.com/comerciodesanmartin).