21.09.21. El plenu municipal celebráu'l 21 de setiembre aprobó destinar una partida de 562.531 euros del remanente d'ayalguería a la reparación de les carreteras de la zona rural afectaes por argayos, la renovación de la cubierta del campu fútbol d'El Florán, mesmo qu'a la concesión d'ayudes directes a los/es autónomos/es y pymes afectaes pol andanciu de la COVID. 

Les obres que se van realizar son la reparación del argayu d'El Rosellón, el llevantamientu de les muries correspondientes n'El Corralón y La Envernal, y la igua de les carreteres El Rebollal-Bédavo y La Nespral, atendiendo a criterios de seguranza y de meyora de les infraestructures viaries.

A estes actuaciones hai que sumar la sustitución de la cubierta d'uralita del campu fútbol d'El Florán, mui estropiada pol pasu del tiempu, que va suponer una meyora de la instalación deportiva de la que fai usu'l club deportivu San Martín.

Per otra parte, l'espediente de creitu del remanente tamién contempla una partida económica pa conceder ayudes directes a los/es autónomos/es y les pymes que se vieron afectaes polos cierres d'establecimientos qu'impunxo l'andanciu de la COVID cuando'l confinamientu de 2020. El procedimientu de xestión y concesión de les ayudes va concretase y facese públicu nun plazu curtiu de tiempu.