SMRA. 14.11.21. Samartín del Rei Aurelio acueye’l domingu 19 d’avientu una carrera popular solidaria en beneficiu de l’Asociación de Personas con Discapacidad Intelectual Rey Aurelio, que partirá a les 11 la mañana con salida y meta nel parque La Llaguna, con un percorríu de 10 kilómetros ensin casi desnivel pel paséu fluvial ente L’Entregu y Sotrondio. La carrera promuévela’l club TRIatlon Alto Nalón, que preside l’atleta Héctor Moro, y cuenta cola collaboración del Ayuntamientu de Samartín del Rei Aurelio y el patrociniu d’otres entidaes privaes.

La prueba, que se desarrolla baxo’l nome Aniciu 10K, ta abierta a corredores federaos/es y non federaos/es, mayores de 18 años. Güei, martes 14 d’avientu, ye l’últimu día pa inscribise, mesmo online, per mediu de la web cronoempate, que nos establecimientos físicos collaboradores. En total ufiertáronse 200 dorsales, siendo la cuota d’inscripción de 10 euros.

Tolos/es participantes que completen el percorríu dientro los tiempos de corte establecíos van recibir a medalla Finisher, diseñada pa la ocasión. Amás, los premios de la carrera van distribuise nes categoríes senior y veteranu, mesmo masculín que femenín.

En paralelo a la competición va entamase un paséu solidariu de 3 kilómetros con una cuota d’inscripción de 3 euros, con salida y meta nel parque La Llaguna a les 10:30 hores.

Na antoxana la carrera, el sábadu18 d’avientu a les 18:00 hores tendrá llugar nel Aula Cultural Onofre Rojo de Sotrondio una charla coloquiu colos atletes olímpicos y mundialistes Rocío Ríos, Fabián Roncero y Bruno Toledo.

Más info: http://activosysolidarios.blogspot.com/p/aniciu-10k_20.html?m=1