Sotrondio celebra las Fiestas Gastronómicas de Los Nabos del 11 al 14 de noviembre - ayto-sanmartindelreyaurelio
Sotrondio celebra les Fiestes Gastronómiques de Los Nabos del 11 al 14 de payares
SMRA. 09.11.21. Sotrondio celebra del 11 al 14 de payares les Fiestes Gastronómiques de los Nabos, declaraes d'Interés Turísticu Rexonal pol Principáu d'Asturies, con un menú tradicional compuestu por pote de nabos y ración de callos, amás de casadielles de postre pa endulzar la comida. Too ello va poder degustase nel almuerzu o na cena nuna decena de restaurantes. Les xornaes gastronómiques compleméntense con un programa festivu entamáu pola Sociedad Cultural y de Festejos San Martín de Tour y l'Ayuntamientu.
El pote de nabos, un clásicu de la hostelería local que se remonta a los años 70, tien como base un productu de la tierra qu'abonda na seronda, cocinao adulces con compangu de primera compuesto por chorizu, morciella, tocín y carne de gochu. Les sidreríes del llugar y la rodiada van sirvir el menú tol fin de selmana a un preciu que varía d'un establecimientu a otru pero que se mueve alredor de los 23 euros. El directoriu hosteleru pue consultase nel portal web del Ayuntamientu www.smra.org
Pasucáis cola Bandina de Gaites Valle del Nalón; concursu gastronómicu; sesión vermú; verbenes; cros escolar; repartu'l bollu y la botella vinu; y les actuaciones de La Chupa'l Sebas y la Coral San Martín son les actividaes principales del programa de fiestes.
No tocante a la entrega del Nabu d'Oro, la distinción d'esti añu recayó nel personal sanitario de la localidá pol llabor na pandemia lluchando contra la COVID-19 y va recoyelu la enfermera del centru salú de Sotrondio, Marga Fernández García.
Per otru llau, Protección Civil de Samartín del Rei Aurelio va mirar pola seguridá na celebración de dellos eventos como'l ciclocrós o el V Rally La Felguera.