SMRA. 29.03.21. La Conceyalía de Cultura del Ayuntamientu de Samartín del Rei Aurelio acaba de poner en marcha un serviciu de venta on line d'entraes pa la programación del Teatru Municipal a traviés de la plataforma musikaze.net http://www.musikaze.net/web/?menu=36&pagina=&siteID=&siteID=aytosmra&IFRcode=e0d9cef7

Esti mes de marzu coincidiendo cola presentación de la programación cultural pal próximu trimestre, "activamos el serviciu de venta on line d'entraes nel que llevábamos trabayando dellos meses y que supón un blincu cualitativu na xestión de la taquilla, facilita la venta d'entraes y una mayor promoción de la cartelera qu¿esperamos se note na captación de públicu", desplicó la conceyala de Cultura, María Alonso.

En tiempos de pandemia, añedió la edil, "los teatros son espacios seguros onde se cumplen los protocolos de prevención y protección de la salú polo que convidamos a toos a disfrutar d'una ufierta cultural de calidá al tiempu que sofitamos a un sector que se vio mui afectáu por la crisis económica venceyada a la covid y del que dependen cientos de miles d'empleos nel nuestru país".

La primera de les obras en cartelera ye la función familiar "Museum", de la compañía La Líquida Teatro, el 10 d'abril, a les 19 hores, nel Teatru Municipal, en L'Entregu. L'horariu y el preciu mantiénense igual pa toles  funciones programaes hasta xunu.

Va siguir un conciertu de la cantante asturiana "Anabel Santiago", el 24 d'abril; la obra familiar "Blancanieves XXI", de la compañía Guayanomi, el 15 de mayu; y el espectáculo "Amanda y les castañes máxiques", de Ambigú Media Broadcast.