SMRA. 18.06.21. La Comisión d'Urbanismu acordó autorizar la instalación de televisores en toles terraces hosteleres de Samartín del Rei Aurelio, y non namái nes terraces zarraes como permite la ordenanza, pa la restresmisión  de la Eurocopa y de los próximos Xuegos Olímpicos, atendiendo asina a la solicitú que l'asociación d'Hostelería y Turismu d'Asturies (OTEA) treslladare al Ayuntamientu.

La ordenanza d'anguaño permite únicamente instalar televisores en terraces d'hostelería zarraes, pero va facese una escepción pa sofitar al sector hosteleru llocal, atendiendo a los efectos económicos del andanciu, pa que tamién puedan instalase nes terraces abiertes coincidiendo cola celebración de dambos eventos deportivos.

La entrada en vigor d'esta midida va ser darréu, dende la so espublización güei vienres nun bandu municipal y va aplicase al periodu que correspuenda a la retresmisión de la UEFA, asina como pal periodu correspondiente a la tresmisión de los Xuegos Olimpicos de Tokio.

L'autorización trai consigo'l cumplimientu del nivel máximu de decibelios autorizaos por decretu de l'Alministración del Estáu, que s¿asitia en 65dB, ente les 7,00 hores y las 23,00 hores; y en 55dB na faza horaria restante. Pola bona convivencia coles persones que residen cerca de les terrace, tien que se respetar el máximu de decibelios permitíos pa conciliar el derechu al ociu y l'entretenimientu d'unos col derechu al descansu d'otros.

Consulta'l bandu na sede electrónica:: https://sedeelectronica.smra.org/action/infopublica?method=enter