SMRA. 21.12.20. L’alumnu Yago González López, del colexu Sagrada Familia, foi’l ganador del concursu de postales navidiegues del Ayuntamientu de Samartín del Rei Aurelio, con una ilustración que se convirtió na felicitación institucional cola que se-yos feliciten les fiestes a dellos organismos públicos y asociaciones d’Asturies, España y l’estranxeru.

El certame premió tamién los dibuxos realizaos por Alex Orviz de Dios, na categoría de 3 a 5 años, del colexu Sagrada Familia; Olaya Melero Laviana, de 6 a 8 años, del colexu Rey Aurelio; y Martín Velasco Turrado, de 9 a 12 años, del colexu Sagrada Familia.

L’actu d’entrega premios tuvo llugar esti mediodía nel salón d’actos de plenos municipal, a cargu del alcalde José Ángel Álvarez y la conceyala de Cultura María Alonso, acompañaos por José Ramón Rodríguez y José Manuel Chamoso, en representación d’Alcampo, como patrocinador del concursu. Los alumnos recibieron dellos regalos, amás de los cheques de regalu del Ayuntamientu pa gastar nel centru comercial.