Samartín del Rei Aurelio ye un conceyu al que merez la pena arrimase pa descubir un atractivu turísticu que combina gastronomía, naturaleza, patrimoniu industrial y arqueolóxico, folclor y cultura. Tocántenes a esto, los principales enclaves museísticos y espacios naturales que son de visita obligada pa cualesquier turista que visite’l territoriu son el Muséu de la Mineria y la Industria (MUMI), el Pozu Sotón, el Centru d’Esperiencies y Memoria de la Minería y el Paisaxe Protexíu de les Cuenques Mineres.