02.12.21. El Conseyu de Gobiernu del Principáu aprobó una partida económica de 567.289 euros pa la meyora del abastecimientu d'agua y de les instalaciones contra incendios nel polígonu empresarial de La Floría, que se financien con cargu a los fondos mineros 2013-2018. Les obres van executase en 2022.

De la mesma manera, autorizó un gastu por valor de 1,6 millones de euros pa iguar la carretera AS-337 qu'une Sotrondio con Figareo, nel tramu de 26 kilómetros.

Los trabayos contemplen llabores de llimpieza y esbroce, la construcción de cinco muries y trés escolleres, el fresáu del firme y l'aplicación d'una capa nueva de rodadura y la renovación de la señalización. El plazu d'execución ye de 7 meses.

Per otru llau, escomenzaron les obres de restauración de la escombrera de Santana, en La Xuliana, a cargu de la Dirección Xeneral d'Enerxía, Minería y Reactivación. L'actuación pondrá fin a los inconvenientes nos accesos rodaos a les viviendes d'El Jardín.