Funciones del Pleno - ayto-sanmartindelreyaurelio
Funciones del Plenu
Intégrenlu tolos/es Conceyales y presídelu l'Alcalde (art. 22 LBRL). Al Plenu correspuénden-y, ente otres, les siguientes atribuciones:
-
El control y la fiscalización de los órganos de gobiernu.
-
Los acuerdos relativos a la participación n'organizaciones supramunicipales; alteración del términu municipal; creación o supresión de conceyos y de les entidaes a les que se refier l'artículu 45 LBRL; creación d'órganos desconcentraos; alteración de la capitalidá del conceyu y el cambiu de nome d'esti o d'aquelles entidaes y l'adopción o modificación de la bandera, enseña o escudu.
-
L'aprobación inicial del planiamientu xeneral y l'aprobación que ponga fin a la tramitación municipal de los planes y demás instrumentos d'ordenación previstos na llexislación urbanística, mesmo que los convenios que tengan por oxetu l'alteración de cualesquier d'esos instrumentos.
-
L'aprobación del reglamentu orgánicu y de les ordenances.
-
La determinación de los recursos propios de carácter tributariu; l'aprobación y modificación de los presupuestos amás de la disposición de gastos no tocante a la so competencia y l'aprobación de les cuentes; too ello d'acuerdu colo dispuesto na Llei Reguladora de les Faciendes Locales.
-
L'aprobación de les formes de xestión de los servicios y de los espedientes de municipalización.
-
L'aceptación de la delegación de competencies fecha por otres Alministraciones públiques.
-
El plantegamientu de conflictos de competencies a otres entidaes locales y demás Alministraciones públiques.
-
L'aprobación de la plantiya de personal y de la relación de puestos de trabayu, la fixación de la cuantía de les retribuciones complementaries fixes y periódiques de los/es funcionarios/es y el númberu y réxime del personal eventual.
-
L'exerciciu d'acciones xudiciales y alministratives y la defensa de la corporación no tocante a competencia plenaria.
-
La declaración de lesividá de los actos del Ayuntamientu.
-
L'alteración de la calificación xurídica de los bienes de dominiu público.
-
La concertación de les operaciones de creitu y les de tesorería, nos términos y colos límites llegalmente establecíos.
-
L'aprobación de los proyectos d'obres y servicios cuando seya competente pa la contratación o concesión, y cuando tovía nun tean previstos nos presupuestos.
-
Les competencies como órganu de contratación no tocante a los contratos d'obres, suministru y servicios; los contratos de concesión d'obres y de servicios; y los contratos alministrativos especiales que celebre la Entidá Local, cuando pol mor del so valor o duración nun-y correspuendan al Alcalde o Presidente de la Entidá Local. De la mesma manera, correspuénde-y al Plenu l'aprobación de los pliegos de cláusules alministratives xenerales a los que se refier l'artículu121 de la Llei de Contratos del Sector Públicu.
-
La competencia pa celebrar contratos privaos, l'axudicación de concesiones sobre los bienes de la Corporación y l'adquisición de bienes inmuebles y derechos suxetos a la llexislación patrimonial mesmo que la tresferencia del patrimoniu cuando nun tean atribuíes al Alcalde o al Presidente, y de los bienes declaraos de valor históricu o artísticu ensin importar el valor.
-
Les atribuciones que-y han corresponder al Plenu al esixise una mayoría especial p'aprobales.
-
La votación sobre la moción de censura al Alcalde y sobre la cuestión de confianza plantegada por él, ríxense polo dispuesto na llexislación electoral xeneral.
-
Les demás que-y atribuyan les lleis de manera espresa.