Oficina Municipal  d'Información al Consumidor

¿Qué ye la O.M.I.C.?

Ye un serviciu públicu y de baldre pa que tolos consumidores y usuarios tengan al algame medios d'informacion y defensa, ayuda y orientación nel exerciciu de los sos drechos.

Funciones

La información, ayuda y orientación a los usuarios pal exerciciu afayadizu de los sos drechos.
Recepción, rexistru y acuse de recibu de quexes, reclamaciones, denuncies ya iniciatives de los consumidores y usuarios y la remisión a les entidaes o muérganos alministrativos competentes pa la so resolución.
La mediación ente les partes en conflicto de consumu.
El control ya inspección de bienes, productos y servicios.
Atender consultes de toa triba de cuestiones rellacionaes col consumu de productos, bienes y servicios.
La tramitación d'espedientes sancionadores tocántenes a defensa del consumidor.
El fomentu y espardimientu del Sistema Arbitral de Consumu.
L'Atención, defensa y protección de los consumidores y usuarios, acordies cola normativa vixente y les disposiciones que la desendolquen o modifiquen.

¿Cómo se pueden facer les consultes?

Hai tres maneres posibles:

Personalmente, n'horariu d'oficina (09:00 a 14:00, llunes y  miércoles).
Telefónicamente: 985 67 20 57.
Per corréu ordinariu.

 ¿Cómo se pueden formular les denuncies o reclamaciones?

Puen facese por escrito na propia Oficina, usando'l formulariu o formularios correspondientes o bien per correú ordinario.

Señes

Avenida de Bimenes s/n,
33960, Blimea (Asturies)
Tfnu: 985 67 20 57
Email: consumo@valledelanalon.es / omic@valledelnalon.es

Horariu d'atención al públicu:

Llunes y miércoles, de 09:00 a 14:00 hores.