Los Servicios Sociales Comunitarios constituyen un serviciu públicu de carácter global y polivalente y son l’instrumentu básicu que permite’l desarrollu de Programes y Prestaciones Sociales Básiques dirixíu a tola población en xeneral. Tamién se presenten como una puerta d’accesu a otru tipu de Servicios Sociales Especializaos.

Les ayudes sociales básiques que desarrollen son:

Información y Orientación. Esta prestación respuende a la necesidá de la ciudadanía d’acceder a los recursos sociales y exercitar los sos derechos nun marcu d’igualdá d’oportunidaes.

Serviciu d’Ayuda en casa. Defínese como un programa d’atención individualizáu y dirixíu a persones o grupos familiares dependientes o en riesgu de dependencia, que constribuye al mantenimientu d’elles nel so mediu habitual, facilitando l’autonomía funcional con apoyos de carácter personal, domésticu o social, ofrecíos preferentemente en casa suya o nun entornu próximu.

Teleasistencia Domiciliaria. Ye un serviciu que, per teléfonu y con un equipamientu de comunicaciones y informáticu allugáu nun centru d’atención y en casa de la persona usuaria, permite atender a la persona les 24 hores. Tien una función d'asistencia ante situaciones d’urxencia.

Prevención y Inserción. Dende los Servicios Sociales dase respuesta a la necesidá de prevenir la marxinación y les sos causes, y favorécense procesos d’integración y inclusión social de les persones y colectivos más desfavorecíos.

Apoyu familiar. Cola intervención técnica d’un/a educador/a social y un/a psicólogu/a pa restablecer y facilitar el bon exerciciu de les funciones parentales, meyorando les rellaciones sociofamiliares y promoviendo’l desarrollu y bienestar del/de la menor.