La inscripción d'un perru nel Censu Municipal Canín hai que la facer na oficina d'Estadística del Ayuntamientu presentando la cartiella o pasaporte del perru, que tien que tener implantáu'l microchip, y el DNI de la persona titular. La tramitación acarria la emisión de un xustificante pal titular del animal qu'acredita la inscripción del perru nel censu municipal.

Los Perros Potencialmente Peligrosos tienen qu'obtener una llicencia municipal específica de tenencia que se tramita dende la Oficina d'Estadística, axuntando la siguiente documentación:

• Test d'aptitú físico positivu.
• Seguru de responsabilidá civil superior a 150.000 euros y recibu de tar al corriente del pagu de la póliza.
• Certificáu de penales (tramítase dende la propia Oficina d'Estadística previa autorización de la persona interesada).
• Xustificante de nun tener incurrío en denguna infracción asociada con perros peligrosos que xenerara apertura d'espediente (solicítalu d'oficiu la Oficina d'Estadística a la Conseyería de Ganadería).
• Tener al día la cartiella de vacunación del animal.
• Disponer de microchip.

Dende la Oficina d'Estadística tamién s'espiden  llicencies pa pasear perros potencialmente peligrosos, cuando una persona distinta al titular del animal s'encargue de sacar al animal a la cai.

Pa conceder esta llicencia hai qu'aportar la mesma documentación descrito nel apartáu anterior, a nun ser la relativa al seguru, y acreditar que l'animal dispón de microchip.

En Samartín, esiste una Ordenanza Municipal sobre Tenencia Defensa y Protección de los Animales de Compañía que regula tolo que cinca a estos animales, publicada nesti mesmu portal web.

Hai que destacar  al respeutive que los perros nun puede circular llibremente per sitios públicos, tienen que dir ataos con correa, y cuando les característiques del animal por envergadura o carácter supongan un peligru pa les persones tamién tienen que llevar bozal.

D'igual mena, la ordenanza recueye les condiciones hixénico sanitares venceyaes a la tenencia d'animales.