INSTALACIONES DEPORTIVES

POLIDEPORTIVOS

L'ENTREGU

El polideportivu de L'Entregu cuenta con unes instalaciones deportives nes que se puen practicar delles disciplines, que incluyen tamién sauna y ximnasiu. Nel esterior cuenta con un módulu d'atletismu que lleva'l nome de Valentín Vega, ún de los deportistes pioneros nesta disciplina nel conceyu nos años 60. Tien seis calles y 200 metros de cuerda que permiten la práctica de llanzamientu de pesu, saltu de llonxitú, saltu d'altura, llanzamientu de xabalina, martiellu y discu. A la vera'l módulu d'atletismu atópase una cancha de tenis.

Señes:                                                                                                   

Polideportivu de L'Entregu / El Entrego

La Escura 25, L'Entregu / El Entrego 33940.

Tlfnu: 985 66 01 36

Horariu: 

De llunes a vienres de 09:00 a 13:00 y de 16:00 a 22:00 hores.

BLIMEA

El polideportivu de Blimea allúgase nel Parque d'El Florán, y tien alredor otros equipamientos públicos como son el Colexu El Parque, l'Institutu Juan José Calvo Miguel, l'albergue y el campu fútbol. Nes sos instalaciones ofrécense una montonera d'actividaes deportives pa toles edaes.

Señes: Parque "El Florán" s/n - Blimea 33960. Tlfnu: 985 67 12 09

Facebook Sanmartín Deporte: https://www.facebook.com/smradeporte/

PISCINA MUNICIPAL

Les instalaciones cuenten con una piscina climatizada cubierta de seis calles de 25 metros de llargor, sauna, vestuarios, baños y vestíbulu. Monitores y socorristes xunto al personal d'alministración xestionen el funcionamientu a diario, de llunes a domingu. Con caracter xeneral organícense cursinos d'averamientu y afondamientu, mesmo que cursos específicios p'adultos, nenos/es y otros grupos.

Nos anexos cuenta con una piscina albentestate, pensada pa nenos y nenes. Tien un vasu con una profundidá máxima de 55 centímentros y un cañón d'agua. La instalación compleméntase con una zona de xuegos y otros espacios verdes que funciones como solárium, con hamaques y sombriyes. Esta piscina permanez abierta los meses de xunetu, agostu y setiembre.

L'horariu de veranu ye:

de 12:00 a 20:00 hores, de llunes a vienres, y de 12,00 a 15,00 hores, los sábados, el mes de xunetu y la primer quincena de setiembre.
de 14:00 a 20:00 hores, de llunes a vienres, n'agostu.

La entrada val 1.90 euros, pero los/es menores d'ocho años que vayan acompañaos d'adultu entren gratis. L'accesu tamién ye llibre pa los/es socios/es.

Señes: Travesía d'América 1, 33950, Sotrondio. Teléfonu: 985 67 28 15

Horariu: 

De llunes a vienres: de 9,30 h a 21,30 h.
Sábados: de 9,30 h a 15,30 h.
Pesllao: domingos, festivos, Nuechebona, Nuechevieya y agostu.

CAMPOS DE FÚTBOL

Campu fútbol de L'Entregu

Llámase Nuevu Nalón y cuenta con una capacidá pa unos mil espectadores. Nél desarrolla les sos actividaes L'Entregu Club de Fútbol. Llama l'atención pola cubierta, que-y da una estética de vanguardia.

Campu fútbol d'El Corvero

Asitiáu a seis km. De L'Entregu, llégase a él pela carretera AS-338. Xestiónalu'l Club de Fútbol El Corvero.

Campu fútbol d'El Florán

Allúgase nel Parque que lleva'l mesmu nome, ente les localidaes de Blimea y Sotrondio. Entrena y xuega la E.I. San Martín.

Campu fútbol de La Isla

En Blimea, garrando'l desvíu na AS-17 en dirección Sanamiés. Nesti campu entrena y xuega'l Club Asturias de Blimea.

CIRCUITU DE XERONTOXIMNASIA

Samartín del Rei Aurelio cuenta con una rede d'equipamientos de xerontoximnasia que conformen un circuitu de cuatro instalaciones distribuíes a lo llargo'l paséu fluvial del ríu Nalón, pa qu'utilice la población de mayor edá y consiguir un avieyamientu saludable

Allugamientu de les instalaciones:

En Blimea: nel área recreativa de La Isla.
En Blimea: nel parque d'El Florán.            
En Sotrondio: na barriada d'El Serrallo.
En L'Entregu: nel Parque Inglés.

CANCHES DEPORTIVES

Esisten delles canches deportives allugaes nos siguientes sitios: La Güeria Carrocera, El Serrallo,La Reguerona, San Vicente, La Cruz y El Coto.

ÁREA DEPORTIVA Y D'OCIU LA ISLA

Nel llugar de Blimea atópase'l complexu deportivu y d'ociu de La isla que dispón d'un gran área recreativa con bancos y meses, una pista finlandesa, trés pistes de petanca, una zona de xuegos infantiles y una cancha tenis. Amás cuenta con zona d'aparcaderu pa 25 vehículos.  

PISTA FINLANDESA

Los/es deportistes del conceyu disponen d'una pista finlandesa de 2 km de llargor ente Sotrondio y L'Entregu que va paralela al ríu Nalón na oriella opuesta al paséu fluvial. L'accesu a la pista ta al llau de la piscina municipal.

CARRIL BICI

Con una estesión de 7 km traviesa'l conceyu d'este a oeste, pasando pelos llugares de L'Entregu, Sotrondio y Blimea. 

CAMPU DE TIRU

El campu tiru atópase al llau del Pozu La Cerezal, nel valle de  Santa Bárbola, y cuenta con una decena de puestos de tiru.  Xestiónalu'l Club de Tiro El Entrego. P'acceder al campu hai que dir pela carretera AS-337 Sotrondio-Urbiés.

BOLERES

Los bolos son ún de los deportes autóctonos asturianos que cuenten nel conceyu con una tradición que vien yá de mediaos del sieglu pasáu, sobre manera na década de los años 70. La cuatriada ye la modalidá más estendida. Xuégase con una bola de madera de 400 gramos de pesu cola que se tira a 9 bolos colocaos a una distancia de polo menos 25 metros y un bolín más pequeñu (el bichi).

Nel conceyu hai les boleres de Blimea, Sotrondio y Perabeles, que xestionen les peñes qu'entamen y participen en competiciones autonómiques, a les qu'hai qu'amestar les boleres de Cocañín, La Cruz y los colexos públicos d'El Parque y Rei Aurelio.