Les escueles infantiles de primer ciclu d’educación infantil de 0 a 3 años son un recursu municipal pensáu pa facilitar la conciliación de la vida familiar y llaboral que dispón d’unidaes diferenciaes pa l’atención de los nenos y nenes en función de la edá: una pa bebés d’ente cuatro meses y un añu, una segunda pa nenos y nenes d’unu a dos años, y una tercera pa menores ente dos y trés años. Disponen tamién de zones de descansu, sala d’usos múltiples, comedor, zona de personal, cocina, baños, patiu interior y/o esterior.

El conceyu cuenta con dos escueles infantiles de cero a trés años, en Sotrondio y L’Entregu, que permanecen abiertes tol añu, quitando’l mes d’agostu, n’horariu de 7:30 a 16:30. Puen contrase medies xornaes de cuatro hores al día o xornaes completes d’ocho hores.

La escuela Sotrondio ofrez 39 places y la de L’Entregu 70. Un directora y un equipu educativu cualificáu encárguense del funcionamientu de les dos escueles, nes que se desarrolla un programa ampliu y variáu, onde se pon especial procuru nes actividaes pedagóxiques, motrices, sensoriales, rítmiques y n’otres que favorecen el desarrollu madurativo de los y les pequeñes.

Escuela Infantil "San Martín"                        Escuela Infantil "L'Entregu"

Paséu de San Martín s/n                                  La Escura s/n

33950 Sotrondio                                              33940 L'Entregu

Tfnu: 985 65 60 18                                           Tfnu: 985 66 23 50