Estas en:

Centru pa Persones con Discapacidá Rey Aurelio

L’asociación de persones con discapacidá intelectual Rey Aurelio ye una ONG que tien persona xurídica propia y nun tien ánimu d’arriquecimientu, fundada nel añu 1995, que ofrez diferentes servicios en el conceyu dirixíos a l’atención de persones con discapacidá intelectual y les sos families.

CENTRU DE DÍA ASISTENCIAL 

Recursu social d’habilitación, rehabilitación, cuidaos y asistencia a la persona con discapacidá intelectual con gran dependencia, que tien como oxetivu’l máximu desarrollu de les sos capacidaes. Atiende hasta 15 places.

Centro Rey Aurelio

 

PISU TUTELÁU 

Casa na que conviven persones con discapacidá intelectual que por circunstancies familiares nun viven coles sos families. La capacidá ye de 6 persones.

CENTRU RESIDENCIAL

Recursu social d’agospiu, manutención y apoyu psicosocial que tien como finalidá sirvir de casa alternativa a persones con capacidá intelectual que requieren apoyos xeneralizaos n’actividaes d’a diario. Cuenta con 18 places: 16 permanentes y 2 temporales. 

SERVICIU DE TIEMPU LLIBRE

Área pa favorecer l’autonomía y eliminar l’aislamientu social organizando dellos talleres ente los que figuren los siguientes: habilidaes académiques, creatividá, espresión corporal o aeróbic, tiempu llibre o deportes.

APOYU FAMILIAR 

El serviciu d’apoyu familiar tien como misión acompañar a les families de persones con discapacidá intelectual nel so proyectu de vida, partiendo de los sos recursos y fortaleces propies, atendiendo a les sos necesidaes y demandes y facilitando apoyos necesarios pa meyorar la so calidá de vida y el bienestar de caún/úna de los/es sos miembros. Dientro del programa d’apoyu familiar ofrezse asesoramientu, información, orientación y apoyu personal y emocional en dellos temes que-yos preocupen a les familes (prestaciones, incapacitaciones, servicios residenciales, llei de dependencia...)

¿ÓNDE TAMOS?

Avda. Del Parque nº 14 Baxu L'Entregu, 33950

Teléfonu: 985 65 42 10 (Centru de Día) / 985 65 43 53 (Residencia)

Fax: 985 654210

Mail: http://info@asociacionreyaurelio.com

Web: http://www.asociacionreyaurelio.com/