Centru de Menores Albanta - ayto-sanmartindelreyaurelio
- ayto-sanmartindelreyaurelio
- Servicios ciudadanos
- Servicios Sociales
- Centru de Menores Albanta
Centru de día pa menores Albanta
¿QUÉ YE?
El Centru de día Albanta pa menores, allugáu en Samartín del Rei Aurelio y xestionáu pola Fundación Siloé constituye un recursu d’apoyu a la familia cuando esta pasa per una situación d’especial dificultá pa facese cargu de los/es sos fíos/es menores n’horariu estraescolar, teniendo carácter complementariu con otres midíes d’intervención social.
¿PA QUIÉN?
- Menores con edaes comprendíes ente los 6 y los 17 años en situación de riesgu derivaos/es polos Servicios Municipales nel contestu de la intervención social que se desarrolla cola so familia.
- Menores derivaos/es pol Institutu Asturianu d’Atención Social a la Infancia, Familia y Adolescencia cuando se dictare resolución de midía d’apoyu a la Familia con asistencia al Centru de día.
- Menores de más de 14 años derivaos/es pol Serviciu de Xusticia Xuvenil o pola entidá que xestione los programes d’atención a menores infractores nel Principáu d’Asturies, colos que’l Xulgáu de Menorez acordare dalguna de les siguientes midíes, mesmo por sentencia que porque tengan carácter cautelar: asistencia a Centru de Día y/o xeres Socioeducatives.
¿PA QUÉ?
- Desarrollar acciones preventives y aplicar midíes d’apoyu a la familia coles actividaes programaes dirixíes a los/es menores y a los padres, tutores o guardadores de fechu.
- Trabayar nel propiu entornu del/de la menor y la so familia, lo que permite tar cerca de les dificultaes que sufre.
- Facer de mediador ente los/es menores y la familia, o ente esta y el restu de servicios de la comunidá.
- Ofrecer un espaciu integráu na propia zona na que viven los/es menores que motive l’adquisición de vezos positivos pa ellos/es mesmo/es.
- Trabayar coles families pa meyorar l’atención que reciben los/es menores que tien a cargu y meyorar les rellaciones familiares.
¿CÓMO?
- Una atención de carácter individualizáu que respete les característiques del/de la menor.
- La organización va basase nes necesidaes del/de la menor y la familia y el respetu de los sos derechos.
- La intervención va tener carácter educativu.
- Va promovese la coordinación coles instituciones implicaes na vida de los/es menores y les sos families col oxetivu d’impulsar criterios comunes d’actuación.
- Trabayu n’equipu.
- Árees d’intervención: personal, familiar, formativa, ociu y tiempu llibre.
- Programa d’educación social: apoyu escolar, educación en valores, actividaes de tiempu llibre, y mediación
- Programa de fin de selmana: actividaes d’ociu, tiempu llibre y comunitaries pa fines de selmana y periodos vacacionales.
HORARIOS
Mañanes: de llunes a vienres de 10:00h - 13:00h
Tardes: de llunes a vienres de 16:00h - 20:00h
Dos sábados al mes n'horariu de 10:00h - 17.00h.
SEÑES
Centru de Día Albanta. C/ Hernán Cortes, s/n . Sotrondio
Tlfnu: 985 65 66 62