Asitiada na Avenida San Frechoso nu 17 baxu, en Sotrondio, ofrez un espaciu d’alcuentru, reunión y participación pa les asociaciones de muyeres del conceyu y pa toles persones que quieran participar nes actividaes que se desarrollen dende la Conceyalía de la Muyer.

L’oxetivu fundamental de la Casa d’Alcuentru ye ufiertar a les asociaciones de muyeres del conceyu un llugar onde disponer d’espaciu propiu p’axuntase, desarrollar actividaes y agospiar el material necesario pa elles.

La Casa dispón d’un salón d’actos, un espaciu de llectura, una sala de reuniones polivalente, amás de los despachos de les asociaciones de muyeres del conceyu.

La Casa d’Alcuentru de les Muyeres, agospia la sede del Conseyu Asesor de la Muyer de Samartín del Rei Aurelio, integráu poles asociaciones de muyeres del conceyu, que tien ente les sos funciones la de participar nes polítiques d’igualdá que desarrolla la Conceyalía d’Igualdá, siendo un órganu de consulta y debate, del que tamién forma parte un edil per cada grupu políticu con representación municipal. 

Les asociaciones que formen parte del Conseyu de la Muyer son: Amas de Casa de Blimea, Amas de Casa de El Entrego, Alameda, Les Rosalíes, Fontana, La Curuxa, Molín de Bras y Muyeres del Carbón. Dalgunes d’elles tienen la sede na propia Casa d’Alcuentru de les Muyeres.

Teléfonu: 985 67 12 22.

Institutu Asturianu de la Muyer: http://institutoasturianodelamujer.com/iam/

Facebook Igualdá San Martín: https://www.facebook.com/smraigualdad/