8 de Marzu. Día Internacional de les Muyeres

Con motivu del Día Internacional de les Muyeres celébrase un programa d’actividaes dirixíes a potenciar la participación de les muyeres na sociedá, ente les que destaquen les siguientes:
•    Campaña conxuntoa de los ayuntamientos de Samartín del Rei Aurelio, Llaviana y Llangréu de promoción de la igualdá d’oportunidaes de les muyeres.
•    Homenaxe a les muyeres de más edá del conceyu.
•    Alcuentru de les asociacions de muyeres de Samartín del Rei Aurelio.
•    Esposiciones fotográfiques, charles, presentaciones lliteraries y espectáculos teatrales.

25 de Payares. Día Internacional contra la Violencia hacia les muyeres 

Coincidiendo cola celebración del 25 de payares desarróllense unes xornaes alredor de la violencia machista qu’empiecen cola presentación de la campaña conxunta de los Conceyos de Samartín del Rei Aurelio, Llaviana y Llangréu contra la violencia de xéneru.
L’oxetivu ye sensibilizar a la población en xeneral sobre la necesidá d’ayudar a estes muyeres y enfotase na educación como base fundamental sobre la qu’edificar una sociedá nueva, respetuosa colos derechos de muyeres y homes.