Una manera alternativa pa conocer el conceyu d'oeste a este ye pedaliar sobre dos ruedes per un percorríu senciellu de 7 kilómetros que pasa pel paséu fluvial y la rodiada, travesando los llugares de Blimea, Sotrondio y L’Entregu.

Bien señalizáu, el carril bordia instalaciones y espacios públicos como’l Muséu de la Minería y la Industria, el campu fútbol, el parque inglés o’l parque de La Llaguna y el centru comercial, en L'Entregu. Tamién pasa pel barriu d’El Serrallo, el paséu de San Martín y el parque d’El Florán, ente Sotrondio y Blimea.

Nos tramos nos que’l carril bici pasa pel paséu fluvial hai un espaciu acutáu pa les bicicletes y otru pa los peatones, mientres qu’ente Blimea y la llende del conceyu en Barredos, l’espaciu tienen que lu compartir unos y otros.