El ríu más caudalosu y importante d’Asturies traviesa’l conceyu en dirección sureste-noroeste, recibiendo l’agua d’otres corrientes fluviales que cuerren pelos valles de La Güeria Carrocera y Santa Bárbola. En tornu al calce’l ríu fueron surdiendo los trés nucleos urbanos más destacaos del conceyu: L’Entregu, Sotrondio y Blimea.

Al pasar pel conceyu, el Nalón cuenta con ún de los cotos de pesca más célebres d’España. Finsáu pola ponte de Sotrondio y el parque El Florán, el cotu de pesca ensin muerte ta bien valoráu polos aficionaos a esti deporte, mesmo pola estensión y fondura del ríu Nalón nesti tramu que pol tamañu les truches. El cotu de pesca contribuye a preservar la riqueza piscícola y les especies arbórees del entornu, amás ye ún de los reclamos turísticos y deportivos del conceyu.