Los/es turistes y visitantes que practiquen senderismu en Samartín del Rei Aurelio tienen delles árees de descansu y recreatives onde facer una parada nel camín.

La Isla

Ye un complexu deportivu y d’ociu nes afueres de Blimea con meses y bancos, pista finlandesa, cancha tenis, xuegos infantiles y pistes de petanca, amás d’un aparcaderu pa 25 vehículos. Llégase dende l’AS-17 en Blimea, garrando la esviación pa Sanamiés.

La Colladiella

Atópase nel altu La Colladiella, xunto al monumentu d’homenaxe al mineru, cerquina la pista que da al picu Tres Conceyos.

La Polaúra

Asítiase en La Campa L’Arquera, nel valle Santa Bárbola. Tien un miradoriu con información sobre los montes que s’acolumbren y la biodiversidá del mediu ambiente del Paisaxe Protexíu.

La Camperona

Llégase dende l’AS-338 n’El Entregu, dirección Bimenes hasta llegar al ramal que baxa pa La Pola Siero. La Camperona pertenez a la parroquia de Cocañín, a unos 8 kilómetros de L’Entregu. 

Llantero

A menos de dos kilómetros d’El Entregu allúgase esta área recreativa a la que s’accede pela carretera L’Acebal. El valle, pel que cuerre’l regatu Tariz, llugar de cases solariegues, foi onde asentaron los descendientes de Bernaldo de Quirós. Nel entornu hai tamién una ermita.