El plenu estraordinariu celebráu n’ochobre de 2014 en Samartín del Rei Aurelio decidió’l nomamientu de José Manuel Blanco Braña como Fíu Predilectu del conceyu, atendiendo a una iniciativa popular que contó col apoyu de más de cuarenta asociaciones del conceyu. Tratábase de reconocer una trayectoria exemplar d’entrega a la defensa y promoción de valores y intereses del so conceyu, mesmo que pol compromisu pa cola cultura. L’acuerdu plenariu salió alantre colos votos favorables del PSOE y del PP y el votu en contra d’IX.

José Manuel Blanco Braña, conocíu popularmente por “Chema”, natural y vecín de L’Entregu, creó y impulsó, xunto con Mariano Fernández Lobo, la fiesta gastronómica de Les Cebolles Rellenes; foi conceyal na llexislatura de 1983-1987 y promotor de la puesta en funcionamientu del Muséu de la Minería y la Industria; amás de xuez de paz y estudiosu de la historia loca, convencín intachable y ciudadanu exemplar y comprometíu cola so tierra, según dixo la comisón qu’impulsó la concesión de la distinción honorífica de fíu predilectu.

La concesión del título de Fíu Predilectu regúlala la ordenanza d’honores y distinción aprobada en mayu 2008. La distinción reconoz el llabor de la xente nacío nel conceyu que destacare de forma relevante poles sos cualidaes, méritos personales o servicios en beneficiu del conceyu, como foi’l casu de José Manuel Blanco.