Estas en:

Estratexa de Promoción y Prevención de la Salú

En 2016 l'Ayuntamientu de Samartín del Rei Aurelio alcordó xuncise al conveniu suscritu ente la Federación Española de Municipios y Provincies (FEMP) y el Ministeriu de Sanidá sobre Ciudaes Saludables pa implementar nel ámbitu llocal una estratexa de promoción de la salú y la prevención dirixida a la población del conceyu.

L'alcuerdu, avalau pol plenu, plantega'l desenrollu progresivo d'intervenciones identificaes como bones práctiques dirixíes a promocionar la salú, prevenir les enfermedaes, les lesiones y la discapacidá, actuando de manera integral demientres el cursu de la vida de les persones sobre factores como l'actividá físico, l'alimentación, el tabacu, l'alcohol o'l bienestar emocional, cola finalidá  de ganar años de calidá de vida nel tiempu.

Constituyida la Mesa de Coordinación Intersectorial, integrada pol propiu Ayuntamientu, la Mancomunidá del Nalón, a traviés del Serviciu de Prevención de Drogodependencies y Salú, el Conseyu de Salú Sotrondio-Blimea, asociaciones vecinales y colectivos de mayores y educativos, a fin d'incluyir la salú en toles polítiques, nesta segunda fase complétase'l mapa de los recursos comunitarios que van divulgar a la población, xunto con información y recomendaciones pa incentivar ente la ciudadanía un estilu de vida saludable.

Por sectores, les acciones d'esta estratexa van dirixise a la población infantil, muyeres embarazaes y madres en periodu de llactancia, población adulto y persones mayores. La tipoloxía de les acciones prioriza l'actividá físico, la nutrición saludable y l'atención a riesgos psicosociales: solitú, depresión, ansiedá, consumu de psicofármacos o sustancies psicoactives.

.............................................................................................................................................................................................................

LLOCALIZA SALÚ.

Mapa de recursos pa la salú de Samartín del Rei Aurelio. https://localizasalud.mscbs.es/maparecursos/main/Menu.action